هنقسم الكلام لموضوعين :
1- عايز اشتغل في شركه (اتوظف)
2- عايز اعمل مشروع شخصي
الموضوع الاول:
عايز اشتغل في شركه (اتوظف)
المشكله ان احنا في ظروف مبتسمحش لأي حد انه يتوظف و لو حصل يبقي علي كف
عفريت (بتمضي الاستقاله قبل عقد العمل) ومع ذلك هو شيئ لا يمكن ان نمل او نكل من
البحث و العناء من اجله.
و بسبب هذه الظروف اصبح مطلوب منا مهارات و قدرات اكتر علشان نقدر ننافس.
وان شاء الله هنحاول الوصول لافضل الحلول العمليه
اولا:
لازم تبقى عارف انت عايز تشتغل ايه و فين, لو بتضور علي شغل و السلام هتوصل
لمرحله لا يحمد عقباها , يعني مينفعش تكون طباخ اصلا و يتعض عليك شغلانه في محل
ترزي و انت توافق مع انك بتكره حاجه الإبره و الخيط ,
لاكن انك تشتغل في مطعم صغير او تشتغل تحت ايد طباخ دي حاجه ممكن توصلك
لهدفك.
ثانيا:
متخدعش نفسك , خليك واضح , مينفعش تبقى مصمم انك هتبقى لعيب كوره كبير لمجرد
ان فريقك كسب الدوره الرمضانيه ,
لاكن لو متأكد ان مهراتك وموهبتك الي ربنا و هبك بيها موجوده فعلا وبتحاول
ديما تعزيزها و زيادة قدراتك دي حاجه ممتازه و ربنا يوفقق .
ثالثا:
ابعد عن كل حاجه ممكن تعطلك و تضيع وقتك , انا مش هقولك (الوقت كالسيف) انا
هقولك الوقت دا ( خازووق) وانا اسف علي التعبير بس هي دي الحقيقه ,
حاول تكون عملي و متضيعش دقيقه بكره فلا هتندم عليها و افتكر مصير سليمان
الحلبي مع (الوقت) طبعا .
مينفعش تكون في ثانويه عامه و دي اهم مرحله في حياة كل طالب مصري وانت منفض
وناقم علي اسلوب التعليم , مع انك عارف ان مفيش طريق غير دا,
و مينفعش تبقى عارف ان مفيش شغل و انت اعد علي الانترنت بدون اي هدف غير
تضيع الوقت و بتتفرج علي ... يعني و كدا , و ناسي خالص انك بتدور علي شغل اصلا و
اليوم ال( (interviewوشكلك وانت متبهدل لانك مش عارف تردز
ممكن ميكنش معاك فلوس تاخد بيها كورس تزود بيه مهراتك بس اكيد ربنا كرمك
بكمبيوتر و انترنت بدليل انك بتقراء , ليه بقا متكملش جميلك علينا و تحاول تتعلم
حاجه تغير بيها حياتك و تبطل لعب المزرعه السعيده.
رابعا:
حاول ديما
متبطلش محاوله
حاول ديما تغير طريقة تفكيرك في كل حاجه حواليك , يعني مش علشان واحد اقلك
انك كسول ومحتاج يكون عندك هدف ان هو بيكرهك ,دا ممكن يكون ابوك او امك او صاحب
عيزلك الخير , مش علشان في واحد قلك انك برنس و واد جامد علشان مقديها ان دا شخص
بيحبك .
خامسا:
دور علي افضل طريقه تعرض بيها قدراتك , حاول ديما تظهر الجزء الحلو فيك
والحجات التانيه دي حاول تعدلها من غير متوضحها , علشان تكون ديما الشخص الي
الشركة بتضور عليه.
سادسا:
دور في كل الاماكن و بكل الطرق الشرعيه الي ممكن توصلك لهدفك وبدايه حياتك
العمليه.
سابعا:
فكر في بكره لما تكون قدوه لاهلك واولادك , فكر ديما في القيمه مش بس
الفلوس.
بدون ترتيب وخليها اساس في حياتك :
استعن بالله وتوكل عليه عز وجل حق توكل , واعلم ان ربنا سخر لنا الدنيا
لتكون طوعا لنا , و ان الله خلقق في احسن تقويم , و أن إنا لله و إنا إليه راجعون
, وأن الحمد لله واجب علينا في قل وقت وحين.
====================================
عايز افتح مشروع خاص:
من وجهة نظري دا أحسن وأفضل وأمتع طريق للعمل و جني المال ودا عن تجربه
شخصيه , بس لازم تكون مقدر اهمية و خطورة الخطوه دي , و بقدر صعوبتها تجد حلاوتها.
اولا:
فكر في نوع النشاط لمشروعك كويس جدا ودا عن طريق البحث الشديد في ظروف
السوق حواليك و احتيجاته .
ثانيا:
بالنسبه لمشروع صغير متوقعش هينفع تكون دراسته عن طريق الانترنت لان مشروعك
يخدم منطقتك او حيك لاكن اكيد ان شاء الله هتعرف طريق لتفيذه باحسن طريقه و احسن تكلفه و ممكن تستفاد بخبرات
حد عمل نفس المشروع , حتي ولو كان هيعرفك مقابل فلوس , دا احسن بكتير متضيع وقتك و
مجهودك و فلوسك.
ثالثا:
متتسرعش في اختيار المشروع دور
كويس جدا و احسب كل خطوه و اعرف هل قدراتك مناسبه للمشروع , ممكن يكون شخص فشل في
مشروع انت تنجح فيه و ممكن العكس .
رابعا:
قدامك طريقين لاختيار مشروعك;
1- سياسة القطيع :انك تشوف الناس عملت مشروع اية و نجح و تعمله او تمشي
مثلا ورا مقولة (الاكل و الشرب مش هتبطل الناس تشتريه) ودي طريقه كويسه و ان شاء
الله تكسبك لانها افكار مجربه, انا افضل المشاريع الخدميه وهي المشاريع المفيهاش
منتج لاكن بتدي الناس خدمه معينه مقابل اجر.
2- سياسة التميز و الانفراد: انك تعمل حاجه حتي و لو بسيطه بس تكون مفيش
غيرك بيعملها او علي الاقل قليلين الي زيك , و دا سلاح ذو حديين , لان ممكن الناس
تتجاوب مع المشروع و تكسب مكاسب مهوووله وممكن العكس ,
لاكن دا مش مبرر انك متكنش مميز و تخوض المخاطره المحسوبه جيدا ,انا شخصيا
عندي مشروع يعتمد علي الماكينات CNC المصنوعه محليا ودا مجال مش منتشر في مصر ولا
الدول العربيه إلا من رحم ربي , و لذلك هو طريق مميز لكسب المال ان شاء الله , ولازم تكون ديما
بتدور علي الجديد و تطور في افكارك.
خامسا:
محدش يعرف كل حاجه , ومحدش بعرف يعمل كل حاجه لوحده , استعيين ديما بالناس
المفيده في المجال دا حتي لو بمقابل مادي.
سادسا:
طلما فكرت ان يكون ليك مشروع خاص لازم تكون فخور بنفسك , انت مميز بما تقوم
به, و متسمحش لكلام حد ليس علي قدرك في العزيمه او الايمان بما اعطاه الله لك من
قدرات ان يحبط من عزيمتك , اسمح ديما للقافله ان تسيير.
و طلما فكرت ان يكون ليك مشروع خاص لازم تسمح بالنقد و النصائح, فنحن
مازلنا لا نملك الخبره التي تغنيك عن النصيحه, وحتي ان كنت تملكها تقبل النصيحه
ففوق كل زي علم عليم .
سابعا:
حاول تكون فكرة مشروعك ليها هدف معنوي زي ماليها هدف مادي , يعني متكنش
حاجه ميكنش حاجة بتجيب فلوس وبس ,
اعمل حضانه علشان تعلم اطفال فعلا مش مكان ترمي فيه العيال,
اعمل فرن توفر فيه عيش وخدمه نضيفه للناس مش تسرق الدقيق,
و اعرف ان الاعمال بالنيات ,
متضيعش فلوس الناس في حاجه مش هيستفيدوا فيها بحاجة ,
ومتضيعش وقتك وقتهم الي هتتحاسب عليه في حاجه مزلهاش اي لزمه.
ثامنا:
حاول تسوق لنفسك بكل الطرق الممكنه , زي توزيع الاعلانات علي الناس , عمل
يفط وبنرات و وضعها في اماكن مرئيه للجميع دون إذاء احد و عليها العنوان و الخدمه
و التليفون و كلمات تشويقيه لمنتجك ,
ولاكن لي طلب:
- متكتبش لفظ الجلاله او اي استشهاد ديني فالاعلان الي هتوزعه علشان انت
عارف مصيره في النهايه .
- متلزقش ورق علي الحيطان و تبوظ شكل الشوارع حواليك.
بدون ترتيب وخليها اساس في حياتك :
استعن بالله وتوكل عليه عز وجل حق توكل , واعلم ان ربنا سخر لنا الدنيا لتكون طوعا لنا , و ان الله خلقق في احسن تقويم , و أن إنا لله و إنا إليه راجعون , وأن الحمد لله واجب علينا في قل وقت وحين.
ليست هناك تعليقات:
إرسال تعليق